इटहरी ।सुनसरीको कोसी गाउँपालिका–१ लौकहीको पूर्व–पश्चिम राजमार्गअन्तर्गत खुनिया पुलमा ट्रक र बस एकआपसमा ठोक्किँदा चार जनाको मृत्यु भएको समाचार छ ।
पूर्वबाट पश्चिम जाँदै गरेको ना८ख ८४९३ नम्बरको बस र पश्चिमबाट पूर्व आउँदै गरेको ना६ख २९९६ नम्बरको ट्रक एकआफसमा ठोक्किर दुर्घटना भएको हो । गाडीमा सवार यात्रुहरूका अनुसार मृत्यु हुनेमा ट्रकका चालक, बसचालक र अन्य दुई जना यात्रु रहेका छन् । प्रहरीले भने मृत्युको पुष्टि गरेको छैन ।
बस ट्रक ठोक्किएपछि एकाएक आगलागी भएको थियो । जिल्ला प्रहरी कार्यालय सुनसरी, इलाका प्रहरी कार्यालय लौकही, सशस्त्र प्रहरी बल लौकहीको टोलीले घटनास्थलमा पुगेर अन्य यात्रुहरूलाई उद्धार गरिरहेको जिल्ला प्रहरी कार्यालय सुनसरीले जनाएको छ ।
दुर्घटनाग्रस्त ट्रकमा सिमेन्ट लोड गरिएको थियो । कोसी गाउँपालिका, इनरुवा नगरपालिकाका बारुण यन्त्रले आगो नियन्त्रणमा लिने प्रयास गरिरहेको प्रहरीले जनाएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
