सिन्धुली । युट्युव कन्टेन्ट क्रियटर (भ्लगर) चेतन कार्की लागूऔषध सहित पक्राउ परेका छन् ।सिन्धुली प्रहरीले उनले चलाईरहेको सवारी साधनमा लागुऔषध भेटेपछि पक्राउ गरेको हो । सिन्धुलीको गोलञ्जोर गाउँपालिका ७ खुर्कोटस्थित वीपी राजमार्ग सडक खण्डबाट उनलाई प्रहरीले पक्राउ गरेको हो ।
मोडिफाइड गरिएको मिनी ट्रकलाई रोकी चेकजाँच तथा खानतलासी गर्दा ४.१३० ग्राम खैरो हेरोइन तथा गाँजा फेला परेपछि उनलाई पक्राउ गरिएको हो ।
उनले लगाएको खैरो रंगको ट्रयाकको दाहिने खल्तीबाट खैरो हेरोइन र उनले चलाएको बागमती प्रदेश ०१–००३–क ९१८२ नम्बरको मिनी ट्रकमा राखिएको गोल्डेन रंगको गितारको कभरबाट ६.९४० ग्राम जाँजा बरामद भएको जिल्ला प्रहरी कार्यालय सिन्धुलीका एसपी गोविन्द थपलियाले जानकारी दिए ।
हेर्दै अचम्म खालको गाडी देखिएपछि प्रहरीले खानतलासी गरेको प्रहरीले बताएको छ । गाडीभित्रै बेडरुम, किचेन, बाथरुम र स्टुडियोको रुपमा प्रयोग गर्दै आएको पाइएको छ ।
गाडीलाई मोडीफाइ गरी उनले गाडी भित्रै गीत रेकर्ड गर्न सकिने प्रविधि जडान गरिएको पाइएको प्रहरीले बताएको छ । कैलालीमा जन्मेका कार्की ललितपुरको पुलचोकमा बस्दै आएका थिए । उनी म्यूजिक प्रोड्यूसर पनि हुन् ।
यसअगाडि पोखराबाट ब्राउन सुगर कारोबार गर्दैगर्दा चर्चित र्यापर आशिष राना ‘लाउरे’ पक्राउ परेका थिए । उनीमाथि अनुसन्धान भैरहेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
