काठमाडौं । भारतीय वरिष्ठ गायिका लता मंगेशकरको निधन भएको छ । कोरोना पोजेटिभ देखिएपछि जनवरी ८ मा मुम्बईको ब्रीच क्यान्डी अस्पतालमा भर्ना भएकी उनको उपचारका क्रममा आज विहान निधन भएको हो ।
९२ वर्षीया मंगेशकरको विगत दुई सातादेखि सघन उपचार कक्षमा उपचार भइरहेको थियो । पछिल्लो समय सुधारको लक्षण देखिएपछि उनको स्वास्थ्य अवस्था बिग्रँदै गएको थियो । तर आज उनको निधन भएको हो । उनको निधनले सिंगो भारत शोकमा डुवेको छ भने, भारतीय प्रधानमन्त्री नरेन्द्र मोदि लगाएतका शीर्ष नेता, गायक तथा कलाकारहरुले समवेदन ब्यक्त गरेका छन् ।
लता मंगेशकरले १३ वर्षको उमेरदेखि गीत गाउन थालेकी हुन् । मंगेस्करले ३० हजारभन्दा बढी गीत गाएकी छन् । उनले नेपाली गीतमा पनि स्वर भरेकी छन् । बाचुन्जेलीलाई, आकाशमा तिरमिर तारा, जुन बाटोमा लगायत धेरै नेपाली गीतमा स्वर दिएकी उनी भारत रत्न, पद्म भूषण, पद्म विभूषण, दादासाहेब फाल्के अवार्ड लगायतका विशिष्ट अवार्डबाट विभूषित भएकी छिन् । उहाँको जन्म सन् १९२९ मा भारतको इन्दौरमा भएको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
