इटहरी । सुनसरीको दुहवी नगरपालिका–८ मा म्याजिक भेनले ठक्कर दिँदा एक जना पैदल यात्रीको मृत्यु भएको छ । कोसी लोकमार्गमा दक्षिणबाट उत्तरतर्फ जाँदै गरेको ना १ ज ३०५१ नम्बरको म्याजिकले ठक्कर दिँदा दुर्घटना भएको हो । दुर्घटनामा परेर दुहवी–८ का ५० वर्षीय रमेश लुहागुनको मृत्यु भएको प्रहरीले जनाएको छ ।
प्रहरीका अनुसार दुर्घटनामा परेर सोमबार साँझ ७ः३० बजेतिर गम्भीर घाइते भएका उनको उपचारका क्रममा विराटनगरको विराटनगर अस्पताल एवम् विराट नर्सिङ होममा आज (मङ्गलबार) बिहान ३ः१५ बजेतिर मृत्यु भएको हो । पैदल यात्रीले अचानक बाटो काट्दा दुर्घटना भएको प्रारम्भिक अनुसन्धानबाट खुलेको छ ।
म्याजिक र चालक सुनसरीको इटहरी उपमहानगरपालिका–४ का ३५ वर्षीय टङ्कराज गिरीलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
