काठमाडौं । काठमाडौं उपत्यकाबासीले अब घरमै फोहोरको व्यवस्थापन गर्नुपर्ने भएको छ । काठमाडौं महानगरपालिकाले कुहिने फोहोरको घरमै व्यवस्थापन गर्न सार्वजनिक सुचना नै निकालेको छ ।
फोहोरको अन्तिम विसर्जन गरिँदै आएको स्थल नुवाकोटको ककनी गाउँपालिका वडा नम्बर २ स्थित सिसडोल ल्याण्डफिल् साइटमा फोहोर ढुवानीका लागि स्थानियबासीले अवरोध गरेपछि महानगरले यस्तो सुचना निकाल्न बाध्य भएको हो । स्थानियबासीले पासाङ ल्हामु राजमार्ग अन्तर्गत पर्ने तारकेश्वर नगरपालिकाको मुड्खु–तीनपिप्ले सडक खण्ड कालोपत्रे हुनुपर्ने माग गर्दै फागुन १ गतेदेखि फोहोर ढुवानीमा अवरोध गर्दै आएका छन् ।
स्थानिय बासीको मागको सम्बन्धमा महानगरपालिकाले नेपाल सरकारको सम्बन्धित निकायमा समन्वय गरिरहेको र सरकारले नै माग पुरा गरिदिने अपेक्षा गरेको छ ।
महानगरबासीले घर, उद्योग वा पसर व्यावसायबाट उत्सर्गन हुने फोहोरलाई कुहिने र नकुहिने छुट्याई सकेसम्म कुहिने फोहोरलाई आफै व्यवस्थापन गर्न महानगरपालिकाले सुचित गरेको छ । जथाभावी फोहोर नफाल्न र फोहोर लिन आउने गाडी आएपछि मात्रै फोहोर व्यवस्थापन गर्न महानगरपालिकाको अनुरोध छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
