काठमाडाैं । नेपाली राष्ट्रिय क्रिकेट टिमले आज आइसिसी टी–ट्वान्टी विश्वकप छनोटअन्तर्गतको ग्लोबल छनोट ‘ए’ को सेमिफाइनल खेल खेल्दै छ । आज नेपाली समयानुसार दिउँसो ३ः४५ बजे सुरु हुने खेलमा नेपालले युएईको सामना गर्दै छ ।
ओमानको अल अमेरातमा हुने यो खेल नेपालका लागि महत्त्वपूर्ण छ । किनकि, यो खेलले नेपालको विश्वकप यात्राको टुङ्गो लगाउने छ । युएईलाई जितेमा नेपालले दोस्रो पटक विश्वकपमा स्थान बनाउने छ ।
सेमिफाइनल जितेर फाइनल पुग्ने दुई टोली यसै वर्ष अस्ट्रेलियामा आयोजना हुने आइसिसी टी–२० विश्वकपमा छनोट हुनेछन् । नेपालले यसअघि सन् २०१४ मा टी–२० विश्वकप खेलेको थियो ।
नेपालले समूहको अन्तिम खेलमा क्यानडालाई आठ विकेटले हराउँदै सेमिफाइनलमा स्थान बनाएको हो । तीन खेलमा अपराजित नेपालले समूहमा ६ अङ्क बनायो । ओमान चार अङ्क जोड्दै दोस्रो भयो । क्यानडा र फिलिपिन्स समूहबाट बाहिरिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
