काठमाडाैं । भारतीय युवा युवतीलाई छोटो समयको लागि ऋण दिने भन्दै अवैध रुपमा आर्थिक कारोबार गर्ने ८० जना भक्तपुरबाट पक्राउ परेका छन्।
प्रहरी परिसर भक्तपुरले मंगलबार दिउँसो सानो ठिमीस्थित एउटा घरबाट एक चिनियाँ नागरिकसहित ८० जनालाई पक्राउ गरिएको भक्तपुरका प्रहरी प्रवक्ता डीएसपी राजु पाण्डेले जानकारी दिए। यसअघि काठमाडौंबाट पनि यस्तै कार्य गर्ने एक चिनियाँसहित ३७ जनालाई मध्य बानेश्वरबाट पक्राउ गरेको थियो।
उनीहरुले कल सेन्टरको नाममा सानो ठिमीमा एउटा तीन तले घर भाडामा लिएर अनलाइनमार्फत भारतीय नागरिकलाई ऋण दिने भन्दै ब्याजसमेत असुल्ने गरेको पाइएको छ।
उक्त घरमा छापा मारेर प्रहरीले ४७ जना महिला र ३३ जना नेपाली पुरुषलाई पक्राउ गरेको हो। एप्समार्फत भारतीयलाई ऋण दिने र त्यसको ब्याजसहित २९ वर्षीय चिनियाँ नागरिक वाङझिनोले लिने गरेको पाइएको छ।
नेपालीलाई भने चिनियाँ नागरिकले कर्मचारीका रुपमा भर्ना गरेका हुन्। उनीहरुलाई १६ देखि १८ हजार रुपैयाँसम्म तलव दिएको पाइएको छ। प्रहरीले यस कार्यालयमा प्रयोग गरिएका १४ थान कम्प्युटर, ४८ थान ल्यापटप र २ थान आइप्याड नियन्त्रणमा लिएको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
