एजेन्सी । जर्मनीले रुसी प्रमुख ग्यास पाइपलाइन परियोजना रोक्ने निर्णय गरेको छ।रुसका राष्ट्रपति भ्लादिमिर पुटिनले युक्रेनका दुई क्षेत्रलई स्वतन्त्र राज्यको मान्यता दिँदै उक्त क्षेत्रमा सेना परिचालन गर्ने निर्णय गरेसँगै जर्मनीले ग्यास पाइपलाइन रोकेको हो।
जर्मनीले रोकेको नर्ड स्ट्रिम २ पाइपलाइन रुसबाट जर्मनीमा ग्यास आपूर्तिका लागि बनाउन लागिएको हो।नर्ड स्ट्रिम २ परियोजाको विभिन्न मुलुकले आलोचना गर्दै आए पनि जर्मनीले भने सहयोग गर्दै आएको थियो।
यो परियोजनाको लागि करिब १० अर्ब युरोबराबरको लगात आवश्यक पर्ने अनुमान छ। लगानी रुस र पश्चिमा ऊर्जा कम्पनीहरुले गर्ने योजना थियो।
युक्रेनका विदेशमन्त्री दिमित्रो कुलेबाले जर्मनीको यो कदमको स्वागत गरेका छन्। उनले अहिलेको अवस्थामा राजनीतिक र अभ्यासगतरुपमा यो कदम सही भएको उल्लेख गरेका छन्। उनले भनेका छन्, ‘सही नेतृत्वले कठिन परिस्थितिमा कठिन निर्णय गर्छ। यो कुरा जर्मनीले चालेको कदमले पुष्टि गरेको छ।’ युरोपमा प्रयोग हुनेमध्ये ४० प्रतिशत ग्यास रुसबाट आउने गरेको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
