काठमाडौं । राप्रपाले जितेको झापाको हल्दिबारी गाउँपालिकाका अध्यक्ष रविन्द्र लिङ्देनले सरकारी सवारी साधन फिर्ता गर्ने निर्णय गरेका छन् । निर्वाचनको मुखमा सरकारी सवारी साधन र जनताले तिरेको करको दुरुपयोग नहोस् भनेर आफूले प्रयोग गर्दै आएको सरकारी सवारी साधन फिर्ता गर्ने निर्णय गरेको अध्यक्ष लिङदेनले जानकारी दिएका हुन् ।
उनले निर्वाचन आउनु एक महिना अघिनै सरकारी सवारी साधन प्रयोग नगर्दा इन्धनको पनि बचत हुने र त्यसले सरकारलाई फाइदा पुग्ने समेत बताए । सबै जनप्रतिनिधिले निर्वाचन आउनु अघि सरकारी साधन प्रयोग नगरेको खण्डमा राष्ट्रको करोडौं रुपैयाँको इन्धन जोगिने अध्यक्ष लिङदेनको भनाई छ । अरु जनप्रतिनिधिले पनि यसलाई आत्मसाथ गरुन भनेर आफूले सवारी साधन फिर्ता गरेर त्यसको शुरुवात गरेको उनको भनाई छ ।
“पार्टीको काममा गाउँ गाउँ जानु पर्ने हुन्छ त्यसमा सरकारी सवारी साधन प्रयोग गर्दा धेरै तेल खर्च हुन्छ त्यसकारण मैले सरकारी सम्पत्ति दुरुपयोग नहोस भनेर गाडी फिर्ताको निर्णय गरे” लिङदेनले भने, आसन्न स्थानीय तह निर्वाचनमा पुनः सोही गाउँपालिकाको अध्यक्षमा उम्मेदवार बन्ने तयारी रहेको बताए । स्थानीय तहको निर्वाचन २०७९ बैशाख ३० गते हुँदैछ । गाडी फिर्ता गर्ने गाउँपालिकाका अध्यक्ष लिङदेन राप्रपा अध्यक्ष राजेन्द्र लिङ्देनका सहोदर भाइ हुन् ।
उनले आफुले जितेको गाउँपालिकामा राम्रो काम गरेको स्थानीयको भनाई छ । स्थानीयको नजरमा विकास प्रेमी नेता भनेर आफ्नो छवी बनाउन सफल उनि जनताको सुख दुख बुझ्न जनतासंगै बढि समय विताउने गरेका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
