बिमल जैरु, डडेल्धुरा । राष्ट्रिय प्रजातन्त्र पार्टीका तर्फबाट अमरगढी नगरपालीकाको प्रमुख र उपप्रमुख पदमा टिकट पाएका उम्मेदवारले आइतबार डडेल्धराुको सदरमुकाममा रहेको जोगेनि थान मन्दिरमा भ्रष्टाचार गर्नु आमाको रगत खानु सरहहो भन्दै कसम खाएका छन ।
आफ्नो मनोनयन दर्ता गर्न जानु भन्दा अगाडी मेयरको उम्मेदवार गणेस भन्डारी र उपमेयरकी उम्मेदवार कविता जोशीले कसम खाएका हुन । राप्रपाका केन्द्रिय सदस्य गोबिन्द खडायतले प्रमुख र उपप्रमुख पदका उमेदवारलाई भ्रष्टाचार मुक्त समाज निर्माण गरी सुशासन कायम गर्न कसम खुवाएका थिए ।
मेयर र उपमेयर सहित वडाका अध्यक्ष लगाएत चुनाव लडने सबैले एकै पटक कसम खाएका छन । मेयरका उम्मेदवार गणेस भन्डारीले मन्दिरमा बसेर राष्ट्र र राष्ट्रियताका लागि शपथ खाएको थिए ।
हाम्रो उम्मेदवारी अमरगढी नगरपालीकालाई भ्रष्टाचार मुक्त र सुशासन युक्त बनाउनका लागि हो । राजनीतिलाई शुद्धीकरण गर्नका लागि हो,’उनले भने, ‘गरिबहरूले पनि बाँच्न पाउने आधार हामी बनाउँछौँ । शिक्षा, स्वास्थ्य र रोजगारलाई प्राथमिकता दिन्छौं । स्मार्ट सिटी बनाउँछौँ भनेर झुट बोल्दैनौं राम्रो अमरगढी निर्माण गर्छौं । उनले भने भ्रष्टाचार नेपालको सबैभन्दा ठूलो रोग भएकोले त्यसको अन्त्य राप्रपाले गर्ने बताएका छन ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
