चितवन । शुक्रबार हुने स्थानीय तहको निर्वाचनमा भरतपुर महानगरपालिकाको मतगणना अन्तर्राष्ट्रिय औद्योगिक प्रदर्शनी केन्द्रमा गरिने भएको छ। मतगणनाको तयारीको काम भईरहेको मुख्य निर्वाचन अधिकृतको कार्यालयले जनाएको छ।
केन्द्रको ‘सी’ ब्लकमा मतगणना गर्ने तयारी गरिएको कार्यालयका सूचना अधिकारी पुरुषोत्तम पौडेलजानकारी दिए । सो ब्लकमा सिसिटिभी जडानको काम सकिएको छ भने तार जाली लगाउने काम भईरहेको जनाइएको छ। सात समुहमा मतगणना गर्न सकिने गरी तयारी थालिएको पौडेलले जानकारी दिए। ुआयोगले ५ गते सम्म गणनाको काम सक्न निर्देशन दिएको छ, सोही अनुसार तयारी गरेको उनले बताए। तर, महानगरमा खस्ने मतको अनुपातमा आयोगले तोकेको मितिभन्दा दुई दिन ढिला हुनसक्ने कार्यालयले अनुमान गरेको छ।
वि सं २०७४ को मत गणनाको क्रममा मत पत्र च्यातिएपछि अहिलेको गणनामा त्यस्तो नहोस भनेर सबै खालको तयारी गरिएको जनाइएको छ। भरतपुर महानगरमा २९ वडा छन्। जहाँ १ लाख ८५ हजार ७ सय ५२ मतदाता छन् । महानगरमा लागि ६५ मतदान स्थल २०२ मतदान केन्द्र रहेको छ।
विगतको स्थानीय तहको निर्वाचनमा मतगणनाको क्रम भएको घटना दोहोरिन नदिन तीन तहको सुरक्षाकर्मी परिचालनका साथै पर्याप्त कर्मचारी खटाइने प्रमुख जिल्ला अधिकारी अस्मान तामाङको भनाई छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
