श्याम गुप्ता
बारा, ३० बैशाख ।
पूर्व युवा तथा खेलकुद मन्त्री एवंम् नेकपा एमाले पोलिट व्यूरो सदस्य पुरूषोत्तम पौडेलले गृह जिल्ला बाराबाट पहिलो मतदान गर्नुभएको छ । आज भईरहेको स्थानीय तह निर्वाचनका क्रममा मन्त्री पौडेलले गृह जिल्लाको निजगढबाट पहिलो मत खसाल्नु भएको हो ।
उहाँले निजगढ नगरपालिका वडा नं।९ स्थित गौरीशंकर क्याम्पसको मतदान केन्द्रबाट बिहान ७ बजे पहिलो मतदान गरेर उदघाटन गर्नुभएको हो । मतदान गर्ने क्रममा उहाँले अचारसंहिताको पालना गर्दै सहज वातावरणमा आ(आफ्नों अमूल्य मत खसाल्न सम्पूर्ण मतदाताहरूलाई आग्रह समेत गर्नुभयो ।
त्यस्तै, पूर्व श्रम तथा रोजगार मन्त्री एवंम् नेपाली काँग्रेस सह(महामन्त्री फरमुल्लाह मन्सुरले पनि गृह जिल्ला बाराबाट मतदान गर्नुभएको छ । जिल्लाको कलैया उपमहानगरपालिका वडा नं।५ स्थित पन्नादेवी उच्च माध्यमिक विद्यालयको मतदान केन्द्रबाट उहाँले मतदान गर्नुभएको हो । बिहान ७ बजेर १५ मिनेंटमा उहाँले आफ्नों मत खसाल्नु भएको हो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
