काठमाडौं । महालक्ष्मी लाइफ इन्स्योरेन्सले आफ्नो पूँजी वृद्धि योजना अन्तर्गत पहिलो चरणमा विद्यमान संस्थापक शेयरधनीहरुसँग थप ५० प्रतिशत रकम जम्मा गर्न आह्वान गरेको छ । कम्पनीको गत वैशाख २५ गते बसेको विशेष साधारण सभाको विशेष निर्णय बमोजिम असार ९ गतेसम्ममा हाल कायम शेयरधनीहरुसँग ५० प्रतिशत अर्थात् रू.७० करोड पूँजी थप गर्न सूचनामार्फत आह्वान गरेको हो ।
हाल कम्पनीको चुक्तापूँजी रू.१ अर्ब ४० करोड रहेको छ । अहिले संस्थापकहरुसँग आह्वान गरिएको ५० प्रतिशत थप पूँजी पश्चात कम्पनीको चुक्तापूँजी रू.२ अर्ब १० करोड पुग्नेछ । त्यसपछि कम्पनीले सर्वसाधारणका लागि रू.९० करोड बराबरको आईपीओ निष्कासन गर्नेछ । उक्त आईपीओ निष्कासन तथा बाँडफाँट पछि कम्पनीको चुक्तापूँजी रू.३ अर्ब पुग्नेछ ।
बीमा समितिले जीवन बीमा कम्पनीहरुको चुक्तापूँजी रू.५ अर्ब पुर्याउन निर्देशन दिएको छ । सोही अनुसार आईपीओ निष्कासन पश्चात कम्पनीले अर्को एक कम्पनीसँग मर्जरमा गएर चुक्तापूँजी रू.५ अर्ब पुर्याउने तयारी गरेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
