काठमाडौं । अहिले बागमती प्रदेशका एक दुई ठाउँमा मेघगर्जन चट्याङसहित मध्यम वर्षा भइरहेको छ।
मौसम पूर्वानुमान महाशाखाका अनुसार हाल प्रदेश १ मधेश बागमती, गण्डकी र लुम्बिनी प्रदेशमा आंशिकदेखि सामान्य बदली रही अन्य स्थानमा आंशिक बदली रहेको छ। विशेषगरी पोखराबाट प्रदेश १ सम्म नै पानी पार्ने प्रणाली सक्रिय रहेको मौसमविद् समिर श्रेष्ठले जानकारी दिए। तर, सुदूरपश्चिम र कर्णालीतिर भने मौसम सफा रहेको श्रेष्को भनाई छ।
आज दिउँसो पनि प्रदेश १ बागमती र गण्डकी प्रदेशका केही ठाउँ र बाँकी प्रदेशका एक दुइ स्थानमा हावाहुरी सहित हल्का वर्षाको सम्भावना रहेको महाशाखाले जनाएको छ। ती स्थानहरुमा रातीपनि हावा हुरीसहितको हल्का वर्षा हुने अनुमान जल तथा मौसम विज्ञान विभागको छ। हाल नेपालमा स्थानीय वायु, भारतको उत्तर प्रदेश, विहार आसपास रहेको न्यून चापीय रेखा र पश्चिमी वायुको प्रभाव रहेको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
