काठमाडौं । बलिउडका चर्चित गायक कृष्णकुमार केके कुन्नथको मंगलबार राती निधन भएको छ ।
५३ वर्षीय कुन्नथको कोलकातामा स्टेज शो गर्दा गर्दै हृदयघात भएर निधन भएको हो । कार्यक्रममा सहभागी हुनु अघि नै अप्ठेरो महसुश भएको बताएका उनी स्टेजमै ढलेलगतै उनलाई अस्पताल लगिएपछि चिकित्सकले मृत घोषणा गरेका थिए ।
कोलकताका राज्यमन्त्री अरुप विश्वासले केकेको हृदयाघातका कारण निधन भएको जानकारी दिएका थिए । तमिल, तेलुगु, कन्नड, मलायालम, मराठी, बंगाली र गुजराती फिल्ममा गीत गाएका केके कोलकत्ताको गुरुदास कलेजमा आयोजित एक कार्यक्रममा सहभागी हुन पुगेका थिए ।
केकेले बलिउड फिल्मका लागि धेरै गीत गाएका छन् । ’हम दिल दे चुके सनम’ मा उनले गाएको ’तडप तडप के इस दिल से’ र ’ओम शान्ति ओम’ मा ’आँखों मे तेरी’ लाई दर्शकले निकै रुचाएका गीत हुन् । उनले ‘हम दिल दे चुके सनम’ बाट बलिउडको पाश्र्व गायनमा उनले करियर सुरु गरेका थिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
