काठमाडौं ।पोखरा पर्यटन परिषदको आयोजनामा हुँदै आएको रोपाइँ महोत्सव यस वर्ष पोखरा महानगर(२५ हेम्जामा हुने भएको छ ।
पोखरा २५ देविस्थान सेवा समाज हेम्जाको सहआयोजनामा १७ औँ असारे रोपाइँ महोत्सव हुन लागेको हो ।
पोखरा सबै मौसमका लागि भन्ने नारा सहित हुन लागेको महोत्सव सहरमा बस्ने नयाँ पुस्तालाई खेती प्रणालीका बारेमा जानकारी दिनपनि महोत्सव फलदायी हुने आयोजकको भनाई छ ।
खेती योग्य जमिनको संरक्षण, कृषिलाई व्यावसायीकरण गर्दै कृषकलाई आफ्नो पेसाप्रति अभिप्रेरित गर्न पनि महोत्सव आवश्यक रहेको बताइएकोछ ।
रोपाइँ महोत्सवमा साउने प्रतियोगिता, हल गोरुको दौड, हिलोमा माछा समात्ने प्रतियोगिता, दौड प्रतियोगिता लगाएतका कार्यक्रमहरु हुनेछन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
