एजेन्सी । अमेरिकाको माथिल्लो सदनले बन्दुक नियन्त्रणसम्बन्धी विधेयक पारित गरेको छ ।
अमेरिकी संसदको माथिल्लो सदन सिनेटमा भएको मतदानमा विधेयकको पक्षमा ६५ र विपक्षमा ३३ मत परेसँगै विधेयक पारित भएको हो ।
विधेयकको पक्षमा १५ जना रिपब्लिकन विधायकले पनि विधेयकको पक्षमा मतदान गरेका थिए । विधेक परितपछि बोल्दै राष्ट्रपति जो बाइडेनले खुशी व्यक्त गर्दै विद्यालयमा बालबालिकाको सुरक्षा सुनिश्चित गर्न र समुदायलाई सुरक्षित बनाउन मद्दत पुग्ने बताउनुभयो ।
अब तल्लो सदनमा प्रस्तुत हुने विधेयक अनुमोदनपछि राष्ट्रपतिले प्रमाणीकरण गर्नुहुनेछ र विधेयक कानुनमा रुपान्तरण हुनेछ । यस विषयमा राष्ट्रपति बाइडनले विधेयकमा शीघ्र मतदान हुनुपर्ने बताउनुभएको छ ।
टेक्सासको उभल्देस्थित एक प्राथमिक विद्यालयमा १९ जना बालबालिका र दुई जना शिक्षक बन्दुकको हिंसामा मारिएको ठ्याक्कै एक महिना पछि आज १३ अर्ब डलरको प्याकेज समेटिएको उक्त विधेयक मतदानका निम्ति प्रतिनिधिसभामा प्रस्तुत हुँदैछ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
