एजेन्सी । श्रीलंकाले अत्यावश्यक सेवाहरू बाहेक अन्य सेवाका लागि दुई हप्तासम्म इन्धन बिक्रीमा रोक लगायो, घरबाटै काम गर्ने बाताबरण बनाउन निजी क्षेत्रलाई अपिल ।
श्रीलंकाले अत्यावश्यक सेवाहरू बाहेक अन्य सेवामा इन्धन बिक्रीमा दुई साताका लागि रोक लगाएको छ ।
आर्थिक संकटमा फसेको श्रीलंकाले तेल आपूर्ति सकिएपछि अत्यावश्यक सेवा बाहेक अन्य सेवामा इन्धन बिक्री गर्न रोक लगाएको हो । साथै श्रीलंकन सरकारले कर्मचारीहरूलाई घरबाट काम गर्न अनुमति दिन निजी क्षेत्रलाई अपिलसमेत गरेको छ । सोमबार मध्यरातदेखि स्वास्थ्य क्षेत्रलगायतका अत्यावश्यक सेवाहरूबाहेक अन्य सेवालाई इन्धन बिक्री गर्न असमर्थ रहेकोले सबैले सहयोग गर्न सरकारका प्रवक्ता बन्दुला गुणवर्द्धनाले आग्रह गर्नुभएको अन्तर्राष्ट्रिय संचारमाध्यमहरुले जनाएका छन् ।
श्रीलंकाले सन् १९४८ मा स्वतन्त्र पाएपछि अहिलेसम्मकै चरम आर्थिक संकट सामना गरिरहेको छ । इन्धन, खाद्यन्न र औषधिजस्ता अत्यावश्यक उत्पादन आयतका लागिसमेत रकम तिर्न सकेको छैन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
