काठााडौंः नेकपा एमाले कैलाली अध्यक्ष रतन थापालाई अनुशासनको कारबाही गरेको छ ।
स्थानीय तहको निर्वाचनमा जिल्लामा आफ्नै पार्टीका उमेदवारलाई पराजित गराउन सक्रिय रहेको भन्दै प्रदेश कमिटीले उनलाई अध्यक्ष पदबाट हटाएकोे हो ।
प्राप्त भएका सिफारिस, प्रमाण तथा दस्तावेजहरूलाई मध्यनजर गर्दा कैलाली जिल्ला कमिटीका अध्यक्ष रतन थापाले पार्टीको विधानको धारा ८० को १, २, ३, ४, ५, ६, १२ र १३ बमोजिमको गम्भीर प्रकृतिको अनुशासनको उल्लंघन गरेको बैठकले ठहर गरेको गर्दै कारबाही गरेको हो ।
पार्टीका कैलाली जिल्ला इन्चार्ज नारदमुनि रानाले प्रदेश कमिटीमा गरेको अनुशासनको कारबाहीको सिफारिस तथा प्रदेश कमिटीमा सिफारिसका साथ प्राप्त भएका तथ्य, प्रमाण तथा दस्तावेजहरूको अध्ययन तथा प्राप्त भएका सिफारिसहरूलाई ध्यानमा राखी सो निर्णय गरेको बताइएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
