गमलामा धान रोप्ने दलका नेताले लिङ्देनबाट पाठ सिक्ने की ?

पुस १७, २०२६

कालापानी मिडिया

काठमाडौं । राजनीतिक दलका शीर्ष नेताहरू प्रायः कृषि कर्ममा देखिँदैनन्। असार १५ मा धान रोप्नै पर्छ भन्ने मान्यता बोकेका उनिहरु बरु छतका गमला अनि गलामा धानको माला लगाएर असार १५ मानाउ भन्दै शुभकामना दिन्छन् । काही नभएको जात्रा हाँडी गाउँमा भने झैं एक दिन रमिता देखाएर कृषि कर्मकै बदनाम गर्न पछि पर्दैनन् ।

तर, तिनै राजनीतिक दलका नेताहरु मध्येका एक राप्रपाका अध्यक्ष राजेन्द्र लिङ्देन भने जती सक्रिय राजनीति र समाजसेवामा छन् त्यति नै घरको कामकाजमा पनि सक्रिय छन् । यति मात्रै होइन उनि राजनीतिबाट फुर्सद निकालेर कृषिका काममा पनि व्यस्त रहन्छन्।

अध्यक्ष लिङदेन यतिवेला झापाको हल्दिबारी १, आफ्नै घर पुगेर कृषि कर्ममा व्यस्त छन्। उनको साथमा उनकी धर्म पत्नी सिता थापा लिङ्देन पनि धान रोप्नमै व्यस्त छिन् । जुन तस्बिर लिङदेनले सार्वजनीक गरेका छन् । उनले सामाजीक संजालमार्फत सार्वजनिक गरेको तस्बिरमा खेत खन्ने, रोप्ने र मल राख्नेसम्म काम गरेको देखिन्छ। ‘भुई नबिर्सने अभ्यासमा’ खेतमा काम गरेका तस्बिर राख्दै लिङ्देनले स्टाटस लेखेका छन्। उनको गत वर्षको रोपाइमापनि खेतमा मल छर्दै गरेको तस्वीर सार्वजनीक भएको थियो ।