एजेन्सी । सरकारका प्रभावशाली केही मन्त्रीसहित झन्डै तीन दर्जन सांसद र सल्लाहकारहरूले राजीनामा दिएसँगै बेलायती प्रधानमन्त्री बोरिस जोन्सन ठूलो दबाबमा पर्नुभएको छ ।
जोन्सनका मन्त्रीमण्डलका अर्थमन्त्री ऋषि सुनाक र स्वास्थ्यमन्त्री साजिद जाभेदले राजीनामा गरेको २४ घण्टा बित्न नपाउँदै मन्त्री, सांसद र सल्लाहकारको साथ छडेसँगै उहाँ दबावमा पर्नुभएको हो ।
यौन दुर्व्यवहारको आरोपितलाई महत्वपूर्ण पदमा नियुक्त गरेको विषयमा प्रधानमन्त्री बोरिस जोन्सनमाथि नैतिक प्रश्न उठाउँदै मन्त्रीहरूले राजीनामा गरेका हुन् ।
दर्जनौं मन्त्रीको राजीनामापछि प्रधानमन्त्री जोन्सनमाथि राजीनामाको चर्को दबाब परेको छ ।
उहाँको पार्टीका साथै सरकारमा रहेका अन्य मन्त्रीले समेत राजीनामा गर्न सुझाव दिएको अन्तर्राष्ट्रिय समाचार संस्थाहरूले उल्लेख गरेका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
