एजेन्सी । श्रीलंकाका प्रधानमन्त्री रनिल विक्रमासिंघेले पदबाट राजीनामा दिन तयार रहेको बताउनुभएको छ ।
प्रधानमन्त्री विक्रमासिंघे आफैले समाजिक सञ्जाल ट्वीटरमार्फत यसको पुष्टि गर्नुभएको हो ।
यसअघि प्रधानमन्त्री कार्यालयले पनि प्रधानमन्त्री विक्रमासिंघे राजीनामा दिएर सर्लदलीय सरकार गठन गर्न तयार रहेको बताएको थियो । उहाँले यसबारे आफ्नो पार्टीका नेताहरुलाई जानकारी गराइसकेको अन्तर्राष्ट्रिय सञ्चारमाध्यमले जनाएका छन् ।
नागरिकको सुरक्षा सुनिश्चित गर्न प्रधानमन्त्रीले राजीनामा दिनुपर्ने विपक्षीको प्रस्तावमा उहाँ सहमत भएको बताइएको छ । चरम आर्थिक संकटमा फसेको श्रीलंकाका जनता सडकमा उत्रिएका छन् भने राजनीतिक संकटसमेत चुलिएको छ ।
श्रीलंकाका प्रदर्शनकारीहरुले राष्ट्रपति भवन कब्जामा लिनुका उहाँको नीजि निवासमा आगजनी समेत गरेका छन् । यता राष्ट्रपति गोटावाय राजापाक्ष राष्ट्रपति भवन छाडेर सुरक्षित स्थानतर्फ गएपनि कुन स्थानमा रहनुभएको छ भन्नेबारे खुलाइएको छैन ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
