काठमाडौं । नेपाली कांग्रेसको सुभेच्छुक संस्था नेपाल प्रेस युनियनको महाधिवेशन साउन ६ र ७ गते हेटौडामा हुने भए पछि नेतृत्वका आकांक्षीहरु निर्वाचन मैदानमा होमीका छन् । ७५ जिल्ला शाखा र जिल्ला उपशाखा, सात प्रतिष्ठान र २ विदेश शाखावाट निर्वाचित १ हजार ५ सय प्रतिनिधिले भाग लिने महाधिवेशनको उद्घाटन कांग्रेस सभापति एवं प्रधानमन्त्री शेरबहादुर देउवाले गर्ने भएका हुन् ।
नवौं महाधिवेशनमा नेतृत्वमा पुग्न युनियनका नेताहरुले उम्मेदवारी प्रस्तुत गर्ने क्रम सुरु भएको छ ।
अहिले सम्म ६ जनाले अध्यक्षमा आकंक्षा देखाएका छन । युनियनका वर्तमान वरिष्ठ उपाध्यक्ष दीपक आचार्य, उपाध्यक्ष इश्वरी ओझा, सल्लाहकार शिव लम्साल, पूर्व उपाध्यक्ष अनिता विन्दु र नेपाल पत्रकार महासंघका पूर्व सचिव रामप्रसाद दाहालले आकंक्षा देखाएका छन ।
हेटौंडामा महाधिवेशनको तयारी तिव्र रूपमा अघि बढीरहेको युनियनले जनाएको छ । यसैगरी सहभागीको स्वागत, वसोवास र खानपानको व्यवस्थापनको काम अन्तिम चरणमा पुगेको पनि युनियनको भनाई छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
