१६ फागुन, इटहरी ।
राष्ट्रिय प्रजातन्त्र पार्टीका अध्यक्ष कमल थापाले आगामी निर्वाचनमा राप्रपा मुलुकको प्रमुख तिन शक्ति मध्ये एक हुने धारण राख्नु भएको छ । मिडिया नेपाल प्रदेश एकले सुनसरीको इटहरीमा आयोजना गरेको पत्रकार सम्मेलन बोल्दै अध्यक्ष थापाले आगामी निर्वाचनमा जनताको मन जितेर राप्रपा मुलुको प्रमुख तिन शक्ति बन्ने धारणा राख्नु भएको हो ।
अध्यक्ष थापाले वर्तमान सरकार तथा आफुलाई गणतन्त्रका ठेकेदार सम्झने सबै दलका नेताहरु आज भ्रष्टाचारको दलदलमा फँसेको आरोप लगाउनु भयो । उहाँले दुई तिहाई सरकार भ्रष्टाचार,बेरोजगारी,धर्मपरिबर्तन नियन्त्रण र आर्थिक समृद्धिको पक्षमा काम गर्न असफल भएको भन्दै राज्य सञ्चालनका क्रममा नीतिगत रुपमा देशमा भ्रष्टाचार नगर्न समेत सरकार संग आग्रह गर्नुभयो ।
उहाँले मुलुकमा बढ्दै गएका यस्ता कार्यहरु रोक्न आम जनताले आवाज उठाउनु पर्ने अवस्था आएको भन्दै राप्रपाले भ्रष्टाचारबिरूद्व प्रदेशस्तरीय अभियानको शुरुवात गरेको समेत जानकारी दिनु भयो । निवर्तमान संचारमन्त्री गोकुलप्रसाद बास्कोटा प्रकरणले झनै मुलुकमा ब्रह्मलुटले निरन्तरता दिएको भन्दै अध्यक्ष थापाले आफुले १० वर्षदेखी निरन्तर उठाउदै आएको सम्पत्ति छानबिनको मुद्दा लागु गर्नुपर्ने बेला आएको बताउनु भयो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
