काठमाडौं । भारत भ्रमणमा रहेका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’भारतको तीन दिने भ्रमण पुरा गरेर स्वदेश फर्किएका छन् ।
काठमाडौँ फर्किएर प्रचण्डले आफ्नो भ्रमण अपेक्षा गरे अनुसार सफल भएको बताएका छन् । प्रचण्डले भारत भ्रमण आफुले सोचे भन्दा पनि राम्रो भएको बताएका छन् ।
प्रचण्डले भारत भ्रमणको क्रममा आफुले न्यानो स्वागत पाएको बताउदै प्रधानमन्त्री हुदा जस्तै पाएको स्वागत र यस पटकको स्वागतमा कुनै फरक नरहेको बताए ।
प्रचण्डले यस पटकको भ्रमणमा विदेशमन्त्री जयशंकरसँग संबिधान जारी हुदाको समयमा उनीसँग भएको भेट नमिठो भएपनि यस पटक भने राम्रो छलफल भएको बताए ।
त्यस्तै प्रचण्डले प्रधानमन्त्री शेरबहादुर देउवापत्नी आरजु राणासँग भेट भएको बारे स्पष्ट पार्दै आरजु हाल उपचारको क्रममा दिल्लीमा रहेको र दुताबासमा बोलाएर भेट गरेको बताए ।
भारत भ्रमणका क्रममा प्रचण्डले भारतीय जनता पार्टीका अध्यक्ष जेपी नड्डा, भारतीय विदेशमन्त्री एस जयशंकर र राष्ट्रिय सुरक्षा सल्लाहकार अजित डोभलसँग भेटवार्ता गरेका थिए ।
त्यस्तै प्रचण्डले भारतीय विदेश सचिव विनयमोहन क्वत्रासँग डिनर भेटवार्ता गरेका थिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
