काठमाडौं । रुपन्देहीको तिलोत्तमा नगरपालिकामा विषयगत समितिहरुमा नेपाली कांग्रेस र नेकपा एमालेबाट निर्वाचित जनप्रतिनिधिको भागवण्डा मिलेपछि नगर सभा बैठक बसेको छ ।
मंगलबारको नगरसभा बैठकले आर्थिक वर्ष २०७९–८० को बजेट पारितसँगै विभिन्न चार वटा समिति संयोजक र सदस्यहरु चयन गरेको छ ।
यसअघि नगरपालिकाको विभिन्न समिति गठनका विषयमा विवाद हुँदा लगातार चारपटक नगरसभा बैठक स्थगित भएको थियो । एमालेबाट निर्वाचित जनप्रतिनिधिले बजेटसँगै न्यायिक समिति, लेखा समिति, विधायन समिति र सुशासन समितिका सदस्यसमेत नगरसभाले टुंगो लगाउनुपर्ने अडान राखेका थिए ।
तर नेपाली कांग्रेसबाट निर्वाचित नगर प्रमुख रामकृष्ण खाँणले नगर सभाबाट बजेटमात्रै पारित गराउन खोजेपछि विवाद भएको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
