काठमाडौं । तस्बिरको दुरुपयोग गरी एक युवतीलाई ब्ल्याकमेल गर्ने दुई जनालाई प्रहरीले नियन्त्रणमा लिएको छ।
रुपन्देही सैनामैनाकी १९ वर्षीया एक युवतीको गोप्य तस्बिर सार्वजनिक गरिदिने धम्की दिँदै ब्ल्याकमेल गर्ने गैडहवाका दुई जना पक्राउ परेका हुन्।
पक्राउ पर्नेमा गैडहवा गाउँपालिकाका १७ वर्षीय एक किशोर र गैँडहवा गाउँपालिका–९ बस्ने २० वर्षीय जगन्नाथ मल्लाहलाई सैनामैना नगरपालिका–७, देउपारबाट नियन्त्रणमा लिएको प्रहरीले जनाएको छ।
युवतीले डेढ वर्ष अगाडि आफ्नो मोबाइलले खिचेको गोप्य तस्बिरका आधारमा ब्ल्याकमेल गर्दै उनीहरुले यौन सम्पर्कको प्रस्ताव राखेका थिए। यौनसम्पर्क गर्न अस्वीकार गरेपछि जबरजस्ती गर्न खोज्दा भागेकी युवतीलाई प्रहरीले उद्धार गरेको छ।
युवतीले प्रहरीलाई दिएको बयानअनुसार करिब डेढ वर्षअघि युवतीले आफ्नै मोबाइलमा खिचेका गोप्य तस्बिरहरु अपरिचित व्यक्तिले फेला पारेका थिए। करिब १५ दिन अगाडिदेखि उनीहरुले फोटो भाइरल गराइदिने भन्दै ब्ल्याकमेल गर्न सुरु गरेका थिए।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
