काठमाडौं । सर्वोच्च अदालतले गाई चुनाव चिह्न कसैलाई नदिन निर्वाचन आयोगको नाममा अन्तरिम आदेश जारी गरेको छ ।
न्यायाधीशहरु डाक्टर आनन्दमोहन भट्टराई र डाक्टर कुमार चुडालको संयुक्त इजलासले आइतबार गाई चुनाव चिह्न कुनैपनि दललाई प्रदान नगर्न अन्तरिम आदेश जारी गरेको हो ।
कमल थापा नेतृत्वको राप्रपा नेपालले गाई चुनाव चिह्न माग गर्दै निर्वाचन आयोगमा निवेदन दिएपनि आयोगले असार २९ गते राप्रपा नेपाललाई पत्र लेख्दै गाई चुनाव चिह्न दिन नमिल्ने जानकारी गराएको थियो ।
आयोगको यो विषयलाई लिएर राप्रपा नेपालले निर्वाचन आयोगको उक्त निर्णयविरुद्ध सर्वोच्चमा रिट दिएको थियो ।
यसैबीच राप्रपा अध्यक्ष राजेन्द्र लिङ्देनले आज बिहान मात्रै “गाई”चुनाव चिन्हका रूपमा कुनै दललाई दिने निर्णय नभएको भन्दै अभिब्यक्ति दिएका थिए ।
'अन्तरिम आदेश‘अहिले कसैलाई नदिनु भन्ने हो। कसैले मात्तिनु र कसैले आत्तिनु पर्दैन । अदालतको पूर्ण फैसला कुरौं' नेता लिङ्देनको भनाई थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
