काठमाडौं । पूर्वअर्थमन्त्री जनार्दन शर्माले बजेट निर्माणताका अनधिकृत व्यक्तिलाई पहुँच दिएर करको दर हेरफेर गराएको विषयमा छानबिन गर्दै आएको संसदीय विशेष समितिले सो दिनको सीसीटीभी फुटेज हेर्न थालेको छ ।
प्रहरीले दिएको फरेन्सिक रिपोर्टमा अर्थमन्त्रालयको सीसीटीभी फुटेज रहेको छ । सो भिडियो अहिले समितिका सदस्यले हेरिरहेका बताइएको छ ।
तर, उक्त भिडियो कुन मितिदेखि कहिलेसम्मको हो भन्ने चाहिँ प्रष्ट नभएको पनि बताइएको छ । नेपाल प्रहरीको विधि विज्ञान प्रयोगशालाले अर्थ मन्त्रालयको सीसीटीभी फुटेज रिकभर सम्बन्धी रिपोर्ट हिजोमात्रै समितिलाई बुझाएको थियो ।
यसअघि मन्त्रालयले सीसीटीभी फुटेज १३ दिनसम्म मात्र कायम रहने र त्यसपछि डिलिट हुने भन्दै सो दिनको फुटेज डिलिट भइसकेको जनाएको थियो । त्यसपछि संसदीय समितिले उक्त फुटेज रिकभरका लागि प्रहरीको सहयोग मागेको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
