काठमाडौं । कञ्चनपुरकी १३ वर्षीया निर्मला पन्तको बलात्कार पछि हत्या भएको चार वर्ष पुगेको छ ।
तर, हत्या भएको चार वर्षसम्म पनि दोषी पत्ता लाग्न सकेको छैनभने राज्यले पनि त्यति धेरै चासोका साथ यो घटनालाई लिएको देखिदैन ।
यदपी जिल्ला प्रहरी कार्यालय कञ्चनपुरले भने यो विष्यलाई नयाँ तरिकाबाट अनुसन्धान भइरहेको भन्दै यसको छिनोफानो गर्न प्रहरीले कुनै कसुर बाँकी नराख्ने बताएको छ ।
अहिले पनि त्यस क्षेत्रका १८ जनालाई नियन्त्रणमा लिएर सोधपुछ गरेको प्रहरीले जनाएको छ । हत्याकाण्डको अनुसन्धानका लागि १ सय ७ जनाको डीएनए परीक्षण भइसकेको छ भने अहिलेसम्म ६ सय ३५ जनालाई सोधपुछ गरिएको छ ।
नेपाल प्रहरीले धेरै साधन स्रोत र जनशक्ति खर्च गरेर निरन्तर चार वर्षसम्म यसरी अनुसन्धान गरेको यो पहिलो घटना भएको प्रहरी अधिकारीहरु बताउँछन् ।
२०७५ साल साउन १० गते उल्टाखामकी १३ वर्षकी निर्मला पन्तको बलात्कार पछि हत्या भएको थियो । हत्या भएको भोलिपल्ट उखुबारीमा पन्तको शव भेटिएको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
