एजेन्सी । उत्तर कोरियाले अमेरिका र दक्षिण कोरियासँगको सम्भावित सैन्य द्वन्द्वमा आफ्नो आणविक हतियार प्रयोग गर्न तयार रहेको चेतावनी दिनुभएको छ ।
कोरियाली प्रायद्वीपलाई युद्धको संघारसम्म पु¥याइरहेका भन्दै नेता किम जोङ उनले दक्षिण कोरिया र अमेरिकाविरुद्ध आक्रामक अभिव्यक्ति दिनुभएको हो ।
सन् १९५० देखि ५३ को कोरियाली युद्धको अन्त्य भएको ६९औं वर्षमा आएको किमको भनाइ महामारीसँग सम्बन्धित आर्थिक कठिनाइको बीचमा गरिब मुलुक उत्तर कोरियामा आन्तरिक एकता बढाउने उद्देश्य भएको अनुमान गरिएको छ ।
किमले आफ्ना विरोधी राष्ट्रलाई आणविक हतियारको धम्की दिए पनि अमेरिका र यसका सहयोगी दलका उच्च सैन्य दलविरुद्ध ती हतियारहरू प्रयोग गर्ने सम्भावना निकै कम रहेको आकंलन गरिएको छ ।
किमले राष्ट्रपति योन सुक योलको दक्षिण कोरियाको नयाँ सरकारको नेतृत्वले मुठभेड चाहेको भन्दै त्यसको प्रतिकार गर्न आफू तयार रहेको प्रतिक्रिया दिनुभएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
