चीन-ताइवान तनाव : न्यान्सी पलोसी फर्किएसँगै चीनले गर्‍यो सैन्य अभ्यासको घोषणा

काठमाडौं । अमेरिकी प्रतिनिधि सभाका अध्यक्ष न्यान्सी पेलोसी ताइवानबाट बाहिरिएसँगै चीनले आसपासको क्षेत्रमा सैन्य अभियान सुरु गरेको छ। ताइवानले चीनका २७ जंगी विमान पहिला नै उसको हवाइ क्षेत्रमा प्रवेश गरेको जनाएको छ।

चीनको यो सैन्यअभ्यास विश्वको सबैभन्दा व्यस्त जलमार्गमा हुने छ र यसमा लामो दूरीसम्म गोला बारूद प्रहार हुनेछ। ताइवानले यस अभ्यासबाट बच्नका लागि जहाजहरुलाई वैकल्पिक मार्ग खोजी गर्न भनेको छ। साथै उसले आफ्नो छिमेकी मुलुक जापान र फिलिपिन्सका साथ वैकल्पिक हवाइ मार्गमाथि चर्चा गरेको छ।

चीनको चेतावनीपछि मंगलबार न्यान्सी पेलोसी ताइवान पुगेकी थिइन्। बुधबार ताइवानका राष्ट्रपति साई इंग-वेनसँग भेटवार्ता गरेपछि उनी अमेरिका प्रस्थान गरेकी हुन्।

अवस्थालाई सामान्य गर्नका लागि जी-७ समूह देशका विदेश मन्त्रीले एक संयुक्त बयान जारी गरेको छ। चीनको कारबाहीले यस क्षेत्रमा अस्थिरता पैदा हुने जोखिम बढेको छ। जी-७ समूहमा कनाडा, फ़्रान्स, जर्मनी, इटली, जापान, ब्रिटेन र अमेरिका सहभागी छन्। पेलोसी अमेरिकाकी पहिली यस्ती शीर्ष अधिकारी हुन्, जसले २५ वर्षमा पहली पटक ताइवानको भ्रमणमा गएका छन्।

चीनले इस यात्रालाई नगर्न चेतावनी दिएको थियो। चीन ताइवानलाई आफ्नो क्षेत्र मान्छ र यसको स्वतन्त्रताको बिरोध गर्छ। चीनका विदेशमन्त्री वांग यीले अमेरिकामाथि तथाकथित लोकतन्त्र को आडमा चीनको सम्प्रभुताको उल्लंघन गरेको आरोप लगाएको छ। उनले भनेका छन्, जो मानिस आगोसँग खेल्छ, उसको अन्त्य राम्रो हुँदैन र चीनको अपमान गर्नेहरूले सजाय भोग्ने छन्।