काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आणविक बम खसेको हिरोशिमा शहरस्थित शान्ति स्मृति सङ्ग्रहालयको अवलोकन गरेका छन्। उनि पाँच दिने भ्रमणका लागि जापानमा छन्। आइतबार सोही सङ्ग्राहलयको अवलोकन गरेको उनको सचिवालयले जनाएको छ । सङ्ग्रहालय क्षेत्रको अवलोकन गरेपछि उनले केही तस्बिर समेत खिचाएका थिए।
७७ वर्षअघि अमेरिकाले हिरोशिमामा परमाणु बम खसालेको थियो । यो आक्रमणमा हिरोशिमाका ३ लाख ५० हजार जनसंख्या मध्ये १ लाख ४० हजारको मृत्यु भएको थियो । बम विस्फोटपछि एशियामा युद्ध समाप्त भएको थियो । १४ अगस्ट १९४५ मा जापानले आत्मसमर्पण गरेको थियो । नेपाली जनप्रगतिशील मञ्च जापानको निमन्त्रणामा उनि गत शुक्रबार जापान गएका थिए । अध्यक्ष प्रचण्ड यही साउन २५ गते स्वदेश फर्किने कार्यक्रम रहेको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
