रान । धरानका मेयर हर्क साम्पाङको कार्यकक्ष तोडफोड गर्ने बराह सहकारी पीडित संघर्ष समितिका संयोजक खगेन्द्र नेपालीलाई प्रहरीले पक्राउ गरेको छ ।
ईलाका प्रहरी कार्यालय धरानको टोलीले उनलाई आईतबार(आज) धरानको भानुचोकस्थित बसपार्क क्षेत्रबाट पक्राउ गरेको हो । नेपाली र संघर्ष समितिका प्रवक्ता प्रदिप बास्तोलाविरुद्ध मेयर हर्क साम्पाङले प्रहरीमा जाहेरी दिएका थिए । प्रवक्ता बास्तोलाई प्रहरीले बुधबार नै पक्राउ गरिसकेको छ। नेपाली भने जाहेरी पर्न साथ फरार रहेका थिए ।
दुवैविरुद्ध सार्वजनिक शान्ति सुरक्षाविरुद्धको जाहेरी परेपछि प्रहरीले अदालतबाट पक्राउ पुर्जी समेत ल्याएको थियो । नेपाली नेकपा एमालेको भातृ सङ्गठन नेपाल उत्पिडित जाति मुक्ति समाज धरान नगर कमिटी सहसंयोजक समेत हुन ।
बास्तोलालाई ७ दिनको म्याद थपसमेत भएर अनुसन्धान भइरहेको धरान प्रहरीले जनाएको छ। पक्राउ परेका नेपालीलाई म्याद थप अनुमतिको लागि जिल्ला पठाइसकेको डिएसपी बुद्ध श्रेष्ठले जानकारी दिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
