बाँके र बर्दियाका १२ प्रतिशत नागरिक पाइप प्रणालीको पानी खाँदै

दाङ । लामो समयदेखि ट्युबेल, कुवालगायत ठाउँको रातो पानी खाइरहेको बाँके बर्दिया नागरिकहरू भने अहिले पाइप प्रणालीको पानी खान पाउँदा निकै खुशी भएका छन् । खानेपानी तथा सरसफाइ डिभिजन कार्यालय नेपालसँग बाँकेले दुई जिल्लाका १२ प्रतिशत नागरिकहरूलाई पाइप प्रणालीको पानी खुवाउँदै आएपछि लामो समयदेखि दुषित पानी खाइरहेका बाँके र बर्दियाका नागरिकहरू भने गाउँमा खानेपानी आयोजना सञ्चालन भएर राम्रो पानी खान पाउँदा खुशी भएका हुन् ।

उनिहरुले विगतमा रातो पानी खाने गरेका थिए । अहिले डिप बोरीङकोे पानी घर घरका धारामा आएपछि धेरै स्वच्छ खाने पानी खान पाएको स्थानीयहरुको भनाइ छ । २०७२ सालदेखि स्थापना भएको श्रीराम कृष्ण खानेपानी तथा सरसफाइ उपभोक्ता समितिले खाने पानी वितरण गर्दै आएको छ । सहितिका सचिव कृष्णा गुरुङले २ लाख २५ हजार क्षमताको ओभरहेड ट्याङ्कीबाट पानी वितरण भइरहेको र यसबाट करिब ११ सय घरधुरीमा पानी पु¥याउन सकिने बताए ।
उसो त बाँके र बर्दियामा करिब ढेड सय खानेपानी आयोजनाहरूको काम भइरहेको छ । निर्माण सम्पन्न भएका आयोजनाले पानी खुवाउँदै आएका छन्, भने निर्माणाधीन रहेका आयोजना भएका ठाउँमा स्थानीयहरु अझै रातो पानी खान बाध्य नै छन् । खानेपानी डिभिजन कार्यालय बाँकेले अहिले बाँके र बर्दिया जिल्लामा हेर्दै आएको छ । २ जिल्लामा १२१ वटा खानेपानी आयोजनाहरू निर्माणाधीन रहेका छन्, भने चालुआर्थिकमा थप २२ वटा आयोजनाहरू निर्माण गर्ने तयारीमा रहेको छ । सबै आयोजनाहरू सम्पन्न भएमा करिब ८५ प्रतिशत नागरिकहरूले पाइप प्रणालीको पानी खाने कार्यालयको भनाइ छ ।