नेपाली कांग्रेसका युवा नेता पुष्पकुमार शाही डोटीबाट प्रतिनिधिसभा सदस्यमा उम्मेदवार बन्ने तयारीमा

काठमाडौं । नेपाली कांग्रेसका युवा नेता पुष्पकुमार शाहीले प्रतिनिधिसभा सदस्यमा उम्मेदवार बन्ने तयारी गरेका छन्। शाहीले डोटीबाट प्रतिनिधिसभा सदस्यमा उम्मेदवार बन्ने तयारीमा गरेका हुन् ।
सरकारले आगामी मंसिर ४ गते प्रतिनिधि सभा र प्रदेश सभाको निर्वाचन मिति तय गरेसँगै नेताहरू पार्टीभित्र टिकट पाउनको लागि लबिङ गर्न थालेका छन्। यहीबीच नेपाल विद्यार्थी संघका पूर्व वरिष्ठ उपाध्यक्षसमेत रहेका शाहीले डोटीबाट प्रतिनिधिसभा सदस्यमा चुनाव लड्ने तयारी गरेका हुन्।

शाहीले युवाहरूको माग र पाका नेताहरूको चाहना तथा सुझाव अनुसार नै आफू संघीय चुनावको उम्मेदवार बन्ने तयारीमा जुटेको बताए।

पूर्बीचौकी-३ डोटी चैकोट नीवासी शाहीले कांग्रेसको माहाधिवेशन प्रतिनिधिमा समेत लोकप्रिय मत प्राप्त गरेका थिए। उनले डोटेली जनताको चहाना विकाश र समृद्धि रहेकाले त्यसका लागि आफू योग्य व्यक्ति भएको बताए ।

अहिले नेपाली जनताले युवा जोशलाई खोजिरहेका छन्। बैकल्पिक व्यक्तिको उदय भइरहेको समयमा पार्टीमा उनीहरूलाई परास्त गर्न पार्टी नेतृत्वले युवाहरूको भावनालाई समेट्नेमा आफु विश्वस्त भएको शाहीको भनाई छ । उनि भन्छन्, म विद्यार्थी राजनीतिबाट नै संघर्ष गर्दै आएको व्यक्ति भएकाले पनि यो पटक मेरो पालो हो।

निर्वाचनमा युवाहरूको उपस्थिति हुनुपर्नेमा आफू दृढ रहेको शाही बताउँछन्। बारम्बार एउटै व्यक्तिले अवसर पाएर काम नगरेको विगतलाई दृष्टिगत गर्दै युवा ऊर्जालाई पनि प्रेरित गर्नूपर्ने उनको भनाई छ ।
पुष्पकुमार शाही युवामाझ लोकप्रिय मात्रै छैनन् । उनि सबैसंग एउटै व्यवहार गर्ने, आफ्नो पराया नभन्ने र गलत प्रवृतिको साथ नदिने युवा नेतामा पर्छन् ।