तनहुँ प्रशासनमा राहदानी लिनेको भिड

तनहुँ । तनहुँको जिल्ला प्रशासन कार्यलयमा राहदानी ९पासपोर्ट को लागि सेवाग्राहीको भिड लागेको छ । दैनिक पाँच सय भन्दा बढिको संख्यामा सेवाग्राहीको भिड बढ्न थालेपछि प्रशासनले केही दिनलाई राहदानी फर्म नैं बन्द गरेको छ । फर्म बन्दले नयाँ सेवाग्राही यत्तिकै फर्कन परेको छ भने पुरानो टोकन लिने लाई पनि दुई तीन दिन लागेको छ ।
पहिले त सेवाग्राही हरू फर्म भरेर टोकन लिंदा जुन दिनलाई डेट मिल्छ त्यहि दिनमा आएर काम सकि फर्कन्थ्ये , तर अहिले प्रशासनको त्रुटिले भिड बढेर शास्ति भएको छ । यहि त्रुटी छल्न र भिड कम गराउन प्रशासनले ५ दिनदेखि बन्द गरेको फर्म अहिले भएको कोटा सकेपछि मात्रै खोल्ने बताएको छ । प्रशासन कार्यलयका जानकारहरू भन्छन् तनहुँमा एक दिनमा राहदानी नपाएर फर्केको यश अगाडि जानकारी थिएन ।

प्रशासनले भने दिनमा एक सय जनालाई खोल्ने गरेको कोटा सिस्टम बिग्रेर चार सय लाई खुल्दा भिडभाड बढेको बताएको छ । जिल्ला प्रशासन कार्यलय तनहुँका निमित्त प्रमुख जिल्ला अधिकारी काशीराम गैर्हेका अनुसार एक सय कोटा खोल्नपर्नेमा प्राबिधिक कारणले चार सय को कोटा खुल्न गई टोकन दिँदा ब्यबस्थापनमा असहज भएको बताए । सेवाग्राहीले भने प्रशासनले दिने सेवामा सुधार ल्याउनु पर्ने बताएका छन् । चर्को घाममा घण्टौ लाइन लागेका घिरिङ गाउँपालिका वडा नं ४ उम्से बेलस्वाराका युवा भिमबहादुर रानाभाटले राहदानी बनाउन आउँदा सास्ती खेप्नुपरेको बताए । एक्लै छु, घण्टौ लाईन बस्नपर्दा पिसाब फेर्न जान पाएको छैन , लाइन छोडेर जाउँ लाइन हराउँछ भन्ने डर , त्यसैले लाइन छोडेको छैन रानाभाटले भने ।

उनले जिल्ला प्रशासन कार्यालयमा नेपाल बैंक लिमिटेडले एउटा काउन्टर राख्न अनिवार्य देखिएको समेत बताए । हामी बैंक खोज्दै बजार बजार दकुर्नुपरेको छ , यहीँ काउन्टर खोल्ने तिर प्रशासनले ध्यान दिनुपर्दछ । राहदानी बनाउनकै लागि लामो लाइनमा बसेकि शुक्लागण्डकि नगरपालिका वडा नं ८ कि सम्झना गौतमले राहदानी बनाउन आउदा दुख पाएको बताइन् । बिहान ८ बजेदेखि लाइनमा बस्दानि पालो आछैन उनले भनिन् ।
प्रशासनमा राहदानी लिन आउनेको भिडले नेपाल बैंक लिमिटेडमा पनि भिड बढेको छ । राहदानीको रकम जम्मा गर्न बैंक जानुपर्ने भएकोले सेवाग्राहीहरूको बैंकमा भिड बढेको हो । स्वदेशमा रोजगारिको अवसर पाउन नसक्दा बैदेशिक रोजगारिको लागि बिदेशीनेको संख्या बढेसँँगै जिल्लामा राहदानी लिनेको संख्या बढेको हो । यस्तै स्टुडेन्ट भिसामा जाने प्लस टु पास गरेका बिद्यार्थीपनि राहदानी बनाउनेमा पर्दछन् । तनहुँमा आ व ०७८ र ०७९ मा ६ हजार ६ सय १९ जनाले राहदानी पासपोर्ट बनाएको जिल्ला प्रशासन कार्यलय तनहुँले जनाएको छ ।