कञ्चनपुर विमानस्थल स्तरवृद्धिको काम ठप्प

कञ्चनपुर । कञ्चनपुरको मझगाउँ विमानस्थल निर्माणको काम ठप्प भएको छ। २० वर्षदेखि बन्द रहेर गौचरनमा परिणत भएको विमानस्थल विस्तारका लागि कान्छाराम कुमार उमा एण्ड कम्पनीसँग ४५ करोड ६६ लाख ७ सय १५ रूपैयाँमा ठेक्का सम्झौता गरिएको छ। तीन वर्षमा काम पूरा गर्ने गरि निर्माण कम्पनीले काम थालेकोमा बर्खासँगै अहिले त्यहाँ काम बन्द भएको हो।

विमानस्थलमा माटो भरान तथा अपग्रेडको काम बन्द भएको छ। एक हजार मिटर लम्बाई रहरेको धावनमार्ग पहिलो चरणमा एक हजार ५ सय २५ मिटरमा बिस्तार गर्ने प्राधिकरणको योजना छ। ६६ बिघा क्षेत्रमा फैलिएको विमास्थलका लागि शुक्लाफाँटा राष्ट्रिय निकुञ्ज र नेपाली सेनाको खेल मैदान रहेको क्षेत्रको जमिन आवश्यक पर्नेछ। तर उक्त क्षेत्रको भोगाधिकार विमानस्थल कार्यालयले पाएको छैन।

निर्माण कम्पनीले माथिल्लो तहको खुकुलो माटो, झाडी र बुट्यान सफा गर्ने काम गरेको छ। धावन मार्गमा ग्राभेल तथा सब–बेसका लागि आवश्यक निर्माण सामग्री पनि थुपारेको छ। तर बर्खापछि विमानस्थलमा कुनै काम नभएको नेपाल नागरिक उड्यन प्राधिकरणका इन्जिनियर तथा आयोजना प्रमुख मीनराज ओझाले बताए।

एक हजार मिटर लम्बाई रहरेको विमानस्थलको धावनमार्ग पहिलो चरणमा एक हजार ५ सय २५ मिटर बनाइने छ। दोस्रो चरणमा तीन सय मिटर धावनमार्गको लम्बाई थपिने नेपाल नागरिक उड्यन प्राधिकरणले बताएको छ।

६६ बिघा क्षेत्रमा फैलिएको विमास्थलका लागि शुक्लाफँटा राष्ट्रिय निकुञ्ज र नेपाली सेनाको खेल मैदान रहेको क्षेत्रको जमिन आवश्यक पर्नेछ। राष्ट्रिय निकुञ्जको प्रति जग्गा हो भने नेपाली सेनाको नाममा रहेको जग्गाको भोगाधिकार भने विमानस्थल कार्यालयले पाएको छैन। संघीय मन्त्रिपरिषले जग्गाको भोगाधिकारका लागि निर्णय नगरेको नेपाल नागरिक उड्यन प्राधिकरणका इन्जिनियर तथा आयोजना प्रमुख ओझाले बताए।

मझगाउँ विमानस्थल निर्माणमा संघीय पर्यटन मन्त्रालयको ५० प्रतिशत, सुदूरपश्चिम प्रदेश सरकारको २५ प्रतिशत, भीमदत्त नगरपालिकाको १५ र दोधाराचाँदनी नगरपालिकाको १० गरी ४५ करोड ६६ लाख ७१५ रूपैयाँ जम्मा गरिएको थियो। विस २०३० सालमा सञ्चालनमा आएको मजगाउँ विमानस्थल द्वन्द्वका बेला सुरक्षाको कारण देखाउँदै बन्द गरिएको थियो।