काठमाडौं । रुपन्देहीको ओमसतियामा एक युवकमाथि अज्ञात समूहले गोली चलाएको छ ।
नम्बर नखुलेको पल्सर मोटरसाइकलमा सवार तीन जनाको समूहले मोटरसाइकलमै सवार सिद्धार्थनगर नगरपालिका १ बेलहियाका २५ वर्षीय विकास गुरुङमाथि गोली चलाएको हो ।
आइतबार राति पौने १२ बजेतिर एक राउण्ड गोली लागेर घाइते भएका गुरुङको युनिभर्सल मेडिकल कलेज भैरहवामा उपचार भइरहेको र अवस्था खतरामुक्त रहेको जिल्ला प्रहरी कार्यालय रुपन्देहीले जनाएको छ ।
गुरुङमाथि गोली प्रहार गर्ने समूहलाई प्रहरीले खोजीरहेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
