काठमाडौं । राष्ट्रिय प्रजातन्त्र पार्टी (राप्रपा)ले आगामी निर्वाचनमा दलहरुसंग तालमेलको निर्णय गर्ने जिम्मा अध्यक्ष राजेन्द्र लिङ्देनलाई दिएको छ ।
आज सोमबार बसेको राप्रपाको केन्द्रीय कार्यसम्पादन समितिको बैठकले निर्वाचनलक्षित विभिन्न समिति गठन गर्दै विभिन्न राजनीतिक दलसँग गठबन्धन, तालमेल र सहकार्यको लागि आवश्यक निर्णय तथा पहलकदमीका लागि अध्यक्ष लिङ्देनलाई जिम्मेवारी दिएको हो। लिङ्देनकै अध्यक्षतामा केन्द्रीय निर्वाचन परिचालन समिति र संसदीय समिति पनि गठन गरिएको छ ।
यस्तै, आम निर्वाचनको घोषणापत्र तयारीका लागि प्रा.डा गीताभक्त जोशीको संयोजकत्वमा सगुन सुन्दर लावती, रमानन्द न्यौपाने, प्रा.डा जयन्तनाथ खनाल र सह-प्राध्यापक हेमराज कार्की सदस्य रहेको समिति गठन गरिएको छ।
बैठकले आगामी मंसिर ४मा हुने प्रदेश र प्रतिनिधिसभाको निर्वाचन भय रहित, धादली रहित र निष्पक्ष निर्वाचनको ग्यारेन्टि गर्न सरकार र आयोगको ध्यानाकर्षण समेत गरेको छ । आजको बैठकले शहीद गंगालाल हृदयरोग अस्पतालको उपचार सेवामा भएको शुल्क वृद्धि फिर्ता गर्नसमेत सरकारसँग माग गरेको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
