काठमाडौं उपत्यकामा प्ल टु का विद्यार्थीलाई लक्षित गरी विशेष ट्राफिक अभियान सुरु भएको छ ।
हिजोदेखि सुरु भएको अभियान बिहान ५ बजेदेखि ७ बजेसम्म चल्नेछ । अभियान सुरु भएको हिजो एकैदिन १ सय १८ जना विद्यार्थी कारबाहीमा परेका छन् । कारबाहीमा परेकामध्ये ६१ जनासँग सवारी चालक अनुमति पत्र लाइसेन्स नभएको पाइएको छ ।
यस्तै, सवारी दर्ता किताब बिलबुक नबोकी मोटरसाइकल चलाउने ३९, मोटरसाइकलमा तीन जना चढेको कसुरमा ७ जना र हेलमेट नलगाइ मोटरसाइकल चलाउने एक जनालाई कारबाही भएको छ । त्यसैगरी, अन्य ट्राफिक नियम पालना नगर्ने १० जना कारबाहीमा परेका महानगरीय ट्राफिक प्रहरी महाशाखाले जनाएको छ ।
उनीहरुलाई कसुर अनुसार कारबाही हुनेछ । बढ्दो दुर्घटना रोकथाम गर्न र ट्राफिक नियमको पालना गर्नरगराउन विद्यार्थी लक्षित विशेष अभियान थालेको महाशाखाले जनाएको छ । महाशाखाका अनुसार काठमाण्डौमा प्लस टु पढ्ने उमेर समूहका व्यक्तिहरु धेरैजसो दुर्घटनामा पर्ने गरेको पाइए पछि त्यसलाई रोक्न भन्दै अभियान थालिएको हो ।
एसईई उत्तीर्ण पछि धेरैजसो विद्यार्थीलाई अभिभावकले मोटरसाइकल र स्कुटर किनिदिने प्रवृत्ति बढ्दो छ । लाइसेन्स नै नभइ मोटरसाइकल र स्कुटर चलाउँदा दुर्घटनाको जोखिम बढेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
