काठमाडौं । हेटौंडा औद्योगिक क्षेत्रमा सञ्चालित दुई उद्योग जिल्ला प्रशासन कार्यालयले सिलबन्दी गरेको छ ।
मानव र पशुपन्छीको स्वास्थ्यमा प्रतिकुल असर पुर्याउने किसिमले अखाद्य पदार्थ उत्पादन र बिक्री गरेको भन्दै प्रशासनले अनामिका खाद्य उद्योग र भ्याली फिड प्रालि उद्योग सिलबन्दी गरेको हो ।
मकवानपुरका सहायक प्रमुख जिल्ला अधिकारी बद्रीनाथ गैरेको नेतृत्वमा औद्योगिक क्षेत्रमा अनुगमनमा खटिएको टोलीले दुई उद्योगमा सिल लगाएको हो। प्रशासनका अनुसार अनामिका उद्योगले २०७६ सालदेखि खाद्यपदार्थको अनुज्ञापत्र नलिएर गैरकानुनी रूपमा खाद्य पदार्थको उत्पादन गरी सञ्चालनमा रहेको छ।
भ्याली फिड उद्योगले उत्पादन गरेको बोरामा उत्पादन मिति र उपभोग्य मिति नलेखेर उपभोक्तालाई ठगी गरेकाले कानुनी प्रक्रिया पूरा नभएसम्म सिलबन्दी रहने बताइएको छ । भ्याली फिडको १३ हजार केजीको नौ लाख २३ हजार मूल्य बराबरको दुई सय ६० बोरा दाना बिक्री वितरणमा प्रशासनले रोक लगाएको छ । साथै तीन दिनभित्र जिल्ला प्रशासन कार्यालयमा आवश्यक कागजपत्रसहित उपस्थितिका लागि निर्देशन दिएको सहायक प्रमुख जिल्ला अधिकारी गैरेले दिए।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
