जुम्लालाई राप्रपामय बनाउदै ज्ञानेन्द्र शाही, भ्रष्टाचार बिरुद्धका अभियन्तालाई नै मतदान गर्ने स्थानीयको प्रण

जुम्ला । प्रतिनिधि सभा र प्रदेश सभा निर्वाचनको मिति नजिकिएसँगै राष्ट्रिय प्रजातन्त्र पार्टी (राप्रपा) का प्रवक्ता ज्ञानेन्द्र शाही यतिबेला जुम्लामा छन् । शाही काठमाडौंमा उम्मेदवारी घोषणा गरेपछि निर्वाचनको गतिविधि बढाउन जुम्ला पुगेका हुन् ।

शाहीले स्थानीय निर्वाचनमा नेपाली कांग्रेस र नेकपा माओवादी केन्द्रको बलियो गढ मानिएको जिल्लामा निर्वाचन लड्ने योजना मात्रै बनाएका छैनन् दैनिक सयौँ स्थानीयको राय सुझाव सहित आशिर्वाद लिइरहेका छन्।

गत स्थानीय निर्वाचनमा जुम्लाका आठ स्थानीय तहमध्ये एक स्वतन्त्र, दुई माओवादी केन्द्र र पाँच स्थानीय तहमा नेपाली काँग्रेसले जितेको थियो । तर, अहिले जिल्लामा राप्रपालाई स्थापित गर्न ज्ञानेन्द्र शाही जिल्ला पुगेका छन् । उनलाई स्थानीयले पनि राम्रै साथ दिइरहेका छन् ।

हरेक पटक राजनीतिक दलका नेतालाई मत दिएर विकासको नामो निसान नदेखेका जुम्लेली जनता यस पटक भने भ्रष्टाचार विरोधि ज्ञानेन्द्र शहिलाई नै भोट दिने प्रण पनि गरिरहेका छन् । यदि यहि क्रम निर्वाचन सम्मै रहने हो र सबैले शाहीलाई मतदान गराउने हो भने राप्रपाले जुम्लामा पनि आफ्नो बलियो पकट बनाउने जानकारहरु बताउँछन् ।

शाहीले जिल्लाका सबै स्थानीय तहमा पुगेर आफूलाई प्रस्तुत गरिरहेका छन् । ठाउँ ठाउँमा उनलाई सुन्नेहरुको भिड लागिरहेको छ । जिल्लामा अन्य पार्टी स्थापित भएपनि आफूलाई जनताले सहयोग गर्ने उनको विश्वास छ । साउन २३ गते राजधानीमा पत्रकार सम्मेलन गरेर उनले निर्वाचन लड्ने घोषणा गरेका थिए । आफूलाई गृहजिल्ला जुम्ला प्यारो लाग्ने र जिते पनि हारे पनि केही फरक नपर्ने उनले बताउँदै आएका छन् ।