राप्रपा अध्यक्ष लिङ्देनले गरे जन्मदिनमा रक्तदान

काठमाडौं । जन्मदिन मनाउने आ–आफ्नो तरिका हुन्छन् । कसैले केक काटेर मनाउछन् त कसैले आफन्त शुभचिन्तक बोलाएर पार्टी भोज गरेर मनाउछन् । तर, राष्ट्रिय प्रजातन्त्र पार्टीका अध्यक्ष राजेन्द्र लिङ्देनले आफ्नो ५७औँ जन्मदिन रक्तदान गर्दै र रुद्रक्षको विरुवा रोपेर मनाएका छन् ।

नेपाल रेडक्रस सोसाइटीद्वारा सञ्चालित केन्द्रीय रक्तसञ्चार सेवा केन्द्रमा गई अध्यक्ष लिङदेनले रक्तदान गरेको केन्द्रको उनको स्वकिय सचिव छत्र कठायतले जानकारी दिए । रक्तदानपछि अध्यक्ष लिङ्देनले आफूले हरेक जन्मदिनमा रक्तदान गर्ने गर्दै आएको समेत बताएका छन् । उनले आफ्नो जन्मोत्सवका दिन रक्तदान गर्न पाउँदा आनन्दित भएको बताएका छन् । रक्तदानले रगत पाउने व्यक्तिलाई निको भइरहेको आफुलाई पनि फाइदा भइरहेको उनको भनाई थियो ।

रक्तदान पछि अध्यक्ष लिङदेन पार्टी कार्यालयमा आफ्नो जन्मदिन मनाउन आएका कार्यकर्ता भेटघाट गर्न पुगेका थिए । त्यहाँ उनले रुद्राक्षको बिरुवा रोपेर शुभकामना आदान प्रदान गरे । उनले जन्मदिनमा केक नै काटेर जन्म दिन मनाउनु पर्छ भन्ने प्रविति उचित नभएको बरु त्योो फजुल खर्चलाई कतै सहयोगका रुपमा प्रयोग गर्न सकिने धारणा राखे ।

यसबाट स्पस्ट हुन्छ हिन्दुराष्ट्रको एजेन्डा बोकेको पार्टीका अध्यक्ष लिङदेन कसरी आफ्नो धर्म संस्कृति जोगाउने र समाजमा सुशासन कायम राख्ने भन्नेमा सजग छन् । यसरी नै हरेक राजनीतिक दलका नेता र सामाजिक क्षेत्रका अगुवाले आफ्नो जन्मोत्सवमा रक्तदान तथा, समाजीक कार्य गरेमा पक्कैपनि समाज परिवर्तन हुन समय लाग्ने थिएन कि ।