डोटी । डोटीको पूर्वीचौकी गाउँपालिका–३ गैरागाउँमा भूकम्पले क्षति गरेको छ । यो भूकम्पमा ६ जनाले ज्यान गुमाएका छन् । ५ जना घाइते भएका छन् । घाइतेहरुको डोटी अस्पतालमा उपचचार भइरहेको छ ।
गएराति २ बजेर १२ मिनेटमा ६ दशमलव ६ रेक्टरस्केलको भूकम्प गएको थियो । पूर्वीचौकी गाउँपालिका–३ गैरागाउँमा ८ वटा घर भत्किएका छन् । भूकम्पले घर चर्किएकाले स्थानीयबासिन्दाले चौरमा बसेर रात बिताएका छन् ।
त्यहाँका धेरैजसो घर भत्किएका छन् । थप खोजी तथा उद्धारको काम भैरहेको छ । घाइतेको जिल्ला अस्पताल डोटीमा उपचार भइरहेको डोटीका प्रमुख जिल्ला अधिकारी कल्पना श्रेष्ठले जानकारी दिए । घाईतेको अवस्था बुझ्न पूर्वमन्त्री प्रेमबहादुर आले तथा काँग्रेस नेता भरतबहादुर खड्कासहितको टोली जिल्ला अस्पताल पुगेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
