अहिले सम्म कुन नेताले कहाँ बाट गरे मतदान

काठमाडौं । सभामुख अग्निप्रसाद सापकोटाले मतदान रेका छन् ।
उनले सिन्धुपाल्चोकको सेतीदेवी पञ्चकन्या मावि कुबिण्डे मतदान केन्द्रबाट मतदान गरेका हुन्।

यस्तै नेकपा एकीकृत समाजवादीका अध्यक्ष माधवकुमार नेपालले मतदान गरेका छन् । उनले रौतहटको गौरमा रहेको रामजानकी कन्या विद्यालय मतदान केन्द्रबाट मतदान गरेका हुन् । उनि रौतहट क्षेत्र नम्बर १ का प्रतिनिधि सभा सदस्यका उम्मेदवार छन् ।

नेकपा एमालेका महासचिव तथा एमालेका दाङ निर्वाचन क्षेत्र २ का प्रतिनिधिसभा सदस्य उम्मेदवार शंकर पोखरेलले मतदान गरेका छन्।

यसैगरी अर्थमन्त्री जनार्दन शर्माले मतदान गरेका छन् । प्रतिनिधि सभा सदस्यका उम्मेदवार समेत रहेका शर्माले मुसीकोट नगरपालिका-५ सेरीगाउँमा रहेको यमुनानन्द नमुना माविमा रहेको क मतदान केन्द्रबाट मतदान गरेका हुन्

राष्ट्रिय सभा अध्यक्ष गणेशप्रसाद तिमिल्सिनाले मतदान गरिसकेका छन् । उनले पर्वतको मोदी गाउँपालिकामा रहेको वडा नं. ७ राम्जाको पशुपति मावि क केन्द्रबाट मतदान गरेका हुन्।
पोखरेलले तुलसीपुर १९ मा रहेको जनता विद्यापीठ मतदान केन्द्र मतदान गरेका हुन्।

यस्तै नेपाली कांग्रेसका उपसभापति पूर्णबहादुर खड्काले सुर्खेतको गुर्भाकोटबाट मतदान गरेका छन्। प्रतिनिधिसभा सदस्यका उम्मेदवार खड्काले गुर्भाकोट–८ स्थित सूर्यज्योति मावि मेहलकुनाबाट मतदान गरेका हुन्।

यस्तै एमाले नेता योगेश भट्टराईले पनि प्रतिनिधि सभा तथा प्रदेशसभा निर्वाचनमा मतदान गरेका छन्। उनले ताप्लेजुङ जिल्ला मैवाखोला गाउपालिका स्थित नारायणी मावि मतदान केन्द्रमा मतदान गरेका हुन।

मतदान गर्दै उनले निर्वाचन नागरिकको सार्वभौमसत्ता प्रयोग गर्ने माध्यम भएको भन्दै यसले लोकतन्त्रलाई अझ सुदृढ बनाउने बताए।