काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले कुनै पनि राजनीतिक दलको बहुमत नभएकाले सबै राजनीतिक दलहरु मिलेर जानुको विकल्प नभएको बताएका छन् ।
प्रतिनिधिसभा बैठकमा प्रधानमन्त्रीलाई विश्वासको मत दिने घोषणा गर्दै अध्यक्ष लिङ्देन सरकारले ल्याएको प्रतिबद्धता सहज नभएको बताए ।
उनले भने, ‘हामीले प्रधानमन्त्री नियुक्ति हुने बेलामै समर्थनका लागि हस्ताक्षर गरिसकेका छौँ। उहाँले गरेको प्रतिबद्धताले सफलता पाउने विश्वास व्यक्त गर्छु । हामी विश्वासको मत दिन्छौँ ।’ लामो समयदेखि सुशासनको अपेक्षा गरेको उल्लेख गर्दै प्रधानमन्त्रीबाट ठोस प्रतिबद्धता आएको बताए । उनले सरकारले पृथ्वीजयन्तीमा बिदा दिने निर्णय गरेकोप्रति आभार व्यक्त गरे ।
उनले भने, ‘पृथ्वीनारायण साह थिए र नेपाल राष्ट्र छ । राष्ट्रनिर्माताको सम्मान गरेर अगाडि बढ्दा हामी पछाडि फर्केको हुँदैन । त्यो कुनै पार्टीको विचार हुँदैन ।’
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
