काठमाडौं । त्रिभुवन अन्तर्राष्ट्रिय विमानस्थलबाट विद्युतीय चुरोट ई–सिग्रेट भित्र राखेर सुन तस्करी हुने गरेको भेटिएको छ ।
भन्सार चेकजाँचका क्रममा विद्युतीय चुरोट ९भेप्स० समातिएपछि छुटाउन प्रयास गर्दा झण्डै ९ किलो बराबरको सुन आएको भेटिएको हो ।
केन्द्रीय अनुसन्धान ब्यूरो सीआईबीले भेप्सको नाममा आएको सुन छुटाउन सहयोग गरेको आरोपमा त्रिभुवन अन्तर्राष्ट्रिय विमानस्थल भन्सार कार्यालयका नायब सुब्बा रवन्त खड्कासहित ४ जनालाई पक्राउ गरेको छ ।
प्रहरीका अनुसार भेप्सभित्र आएको सुन नासु खड्काले विचौलियासँग मिलेर साटफेर गरेर न्यूरोडमा विक्री गरेका थिए । पक्राउ परेका अरु मध्ये एक जना सुन विक्री गर्न जाने विचौलिया हुन् भने दुई जना सुन खरिद गर्ने र गाल्ने व्यक्ति हुन् । प्रकरणमा थप केही व्यक्तिहरुको प्रहरीले खोजी गरिरहेको छ ।
ब्यूरोका एक जना प्रहरी अधिकृतका अनुसार १० पुस २०७९ मा चीनबाट आएको भेप्स नियमित चेकजाँचका क्रममा बिहान ९स्१० बजे बरामद भएको थियो । ७३ प्याकेटमा भएको ७ सय ३० पिस भेप्स भन्सार कार्यालयले बरामद गरेको थियो ।
स्रोतका अनुसार विमानस्थल भन्सारका प्रमुख प्रशासक सह(सचिव अरुण पोखरेललगायतलाई भेटेर पटक(पटक भेप्सबारे जिज्ञासा राखेपछि अधिकारीहरुलाई शंका लागेको थियो ।त्यसक्रममा प्रहरीले चार जनालाई पक्राउ गरेको छ । हालसम्म प्रहरीले तस्करी भएको सुन भने बरामद गर्न सकेको छैन ।
‘
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
