आममाफी पाएका रेशम चौधरीकी कान्छी श्रीमतीले दिईन् बधाईं

काठमाडौं । टीकापुर हत्याकाण्डमा दोषी ठहर भएपछि जन्मकैद भुक्तान गरिरहेका र आज आममाफी पाएर रहा भएका नागरिक उन्मुक्ति पार्टीका संस्थापक समेत रहेका पूर्वसांसद रेशमलाल चौधरीले बहुविवाह गरेको खुलेको छ।

आममाफी पाएर छुटेकै दिन उनीकी कँनछी श्रीमती आशा चौधरीले आफ्नो फेसबुकमा स्टाटसमा बधाई सहित स्वागत गरेपछि यो कुरा पुष्टि भएको हो ।

उनले रेशमसँग आफ्नी छोरीसहितको फोटो समेत राखेकी छन् ।

 

 

 

 

 

 

 

 

 

 

 

 

 

 

 

 

धनगढी उपमहानगरपालिका(६ स्थित जालीमा माइत रहेकी उनीसँग रेशमले टीकापुर घटना हुनुभन्दा पहिला नै लगनगाठो कसेका थिए। अहिले बर्दीयामा रेडियो चलाएर बसेकी उनको साथमा रेशमको एक छोरी समेत छन्।

यस्तै रेशमकी जेठी पत्नी भने हालकी भूमि व्यवस्था, सहकारी तथा गरिबी निवारण मन्त्री तथा नाउपाकी अध्यक्ष रन्जिता श्रेष्ठ चौधरी हुन्। श्रेष्ठ आज कारागारमै दलबलसहित स्वागत गर्न गएकी थिइन्।

काठमाडौंको क्षेत्रपाटीमा जन्मिएकी रन्जिताले रेशमसँग अन्तरजातीय विवाह गरेकी हुन्। उनले रेशमको एक छोरा हुर्काइरहेकी छन्।

राष्ट्रपति रामचन्द्र पौडेलबाट आममाफी पाएका चौधरीको बाजागाजासहित स्वागत गरिएको थियो।

२०७२ भदौ ७ गतेको टीकापुर घटनामा दोषी ठहर भएका रेशमलाई मात्रै माफी दिइएको हो। अन्य पाँच जना अहिले पनि कारागारमा छन्। बाँकी २९ जना फरार छन्।

थरुहट थारुवान संघर्ष समितिले २०७२ साल भदौ ७ गते कैलालीको टिकापुरमा गरेको प्रदर्शनले हिंसात्मक रुप लिँदा नेपाल प्रहरीका एसएसपी लक्षमण न्यौपानेसहित ८ जनाको मृत्यु भएको थियो।