काठमाडौँ । बालुवाटारस्थित ललिता निवास जग्गा हिनामिना प्रकरणको मुद्दामा थुनछेक बहस जारी छ। आज दुई प्रतिवादीका तर्फबाट थुनछेक बहस भएको काठमाडौँ जिल्ला अदालतले जनाएको छ।
अदालतका न्यायाधीश भोलानाथ ढकालको इजलासमा आज डिल्लीबजार मालपोत कार्यालयका तत्कालिन प्रमुख कलाधर देउजा र भाटभटेनीका संचालक मीनबहादुर गुरुङका तर्फबाट कानुन व्यवसायीहरुले बहस गरेका थिए।
देउजाको तर्फबाट ४ जनाले बहस गरेका र गुरुङका तर्फबाट ७ जना वकीलले बहस गर्न नाम टिपाएका थिए। देउजाका तर्फबाट आज बहस सकिए पनि गुरुङ पक्षका वकीलको बहस बाँकी छ।
अधिवक्ता सविना शाक्य, केदार गुरागाईं, वरिष्ठ अधिवक्ता हर्क भट्टराई र बाबुराम गिरीले देउजाको पक्षबाट बहस गरेका थिए। मीनबहादुरको पक्षबाट वरिष्ठ अधिवक्ता सुशिल पन्त, शम्भु थापा, शरद कोइराला, कोमल प्रकाश घिमिरे, अधिवक्ता मणि आचार्य, ललित बस्नेत र शम्भु पोखरेलले बहस गर्न नाम राखेका छन्। केहीले भने बहस गरे।
ललिता निवास प्रकरणमा अहिलेसम्म ४ जना प्रतिवादीको तर्फबाट थुनछेक बहस सकिएको छ। उक्त मुद्दामा १८ जना थुनामा छन्। केही थुना बाहिरै बसेर मुद्दा खेपिरहेका छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
